ඊයේ (07) පස්වරුවේ දිය නෑමට කුරටියාව වැවට ගිය කාන්තාවක් දියේ ගිලී මියගොස් ඇති බව වාර්තා වේ.
මෙලෙස මියගොස් ඇත්තේ සාලියවැව – පළුගස්සේගම පදිංචි මුදියන්සේලාගේ ඩිංගිරිඅම්මා නම් වූ 69 හැවිරිදි කාන්තාවකි.
ඊයේ පස්වරුවේ කාන්තාවකගේ මළසිරුරක් වැවෙහි පාවෙන බව දන්වමින් සාලියවැව පොලීසියට දුරකථන ඇමතුමක් ලැබී ඇති බව සදහන්.
ඒ අනුව වහාම ක්‍රියාත්මක වූ සාලියවැව පොලීසිය වැව පිහිටි ප්‍රදේශයට ගොස් ඇති අතර එහිදී මියගිය කාන්තාවගේ සිරුර සොයාගෙන තිබේ.
මරණය සම්බන්ධයෙන් පශ්චාත් මරණ පරීක්ෂණ සිදු කිරීමට නියමිත බවත් ,සිද්ධිය සම්බන්ධයෙන් වැඩිදුර විමර්ශණ සාලියවැව පොලීසිය විසින් සිදු කරනු ලබන බවත් වාර්තා වේ.