විශේෂ කාර්ය බලකා නිලධාරීන් කණ්ඩායමක් විසින් ඊයේ (23) දින වැලිගම පොලිස් වසමේ කප්පරතොට රේන්දපොල පාරේ සිදු කළ වැටලීමකින් සංවිධානාත්මක අපරාධ කල්ලි සාමාජික මීදිගම චූටියා හෙවත් ලොස්ටා චූටි සහ ඉබ්බාවල රුවන්ගේ ගෝලයෙකු වන වැලිගම ප්‍රදේශයේ පදිංචි වයස අවුරුදු 22 ක පුද්ගලයකු හෙරොයින් මිලි ග්‍රෑම් 1400 ක්, කඩුවක්, යතුරු පැදියක් සහ මුදලින් රු. 950,000.00 ක් සමඟ අත්අඩංගුවට ගෙන වැඩිදුර විමර්ශන කටයුතු සඳහා වැලිගම පොලිස් ස්ථානය වෙත භාර දී තිබෙන බව වාර්තා වේ .
මෙම පුද්ගලයා කප්පරතොට ප්‍රදේශයේදි පුද්ගලයෙකු හට කඩුවකින් පහරදී ප්‍රබල අපරාධයක් සිදුකිරීම සම්බන්ධව අත්අඩංගුවට ගැනීම සඳහා වරෙන්තු නිකුත්කර ඇති පුද්ගලයෙක් බව සඳහන් .