ඊශ්‍රායල ප්‍රහාරවලින්, බිලිඳන්, කුඩා දරුවන් සහ කාන්තාවන් මියයෑම කිසිසේත් අනුමත කළ නොහැකි යැයි කැනඩා අග්‍රාමාත්‍ය ජස්ටින් ටෲඩෝ පවසා ඇති බව වාර්තා වේ.
කැනඩා අග්‍රාමාත්‍යවරයා මෙසේ පවසා ඇත්තේ සමාජ මාධ්‍ය ඔස්සේ අදහස් පළ කරමිණි.
ඊශ්‍රායලය, හමාස් සටන්කාමීන් ඉලක්ක කර ගනිමින් පහර දීම ආරම්භ කළේ පසුගිය ඔක්තෝබර් 7 වැනිදාය. ඒ, හමාස් සටන්කාමීන් ඊශ්‍රායලයට කඩා වැදී කළ ප්‍රහාරයකින් අනතුරුවය.
ඊශ්‍රායලය ගාසා තීරයේ හමාස් සටන්කාමීන් ඉලක්ක කර ගනිමින් පහර දීමට පටන්ගත්තේ ඉන්පසුවය.
මේ වනවිට ඊශ්‍රායල ප්‍රහාරවලින් මියගිය පලස්තීන සිවිල් වැසියන් ගණන 11,000 පසු කර ඇති අතර ඔවුන්ගෙන් වැඩි දෙනා කුඩා දරුවන් සහ කාන්තාවන් බව සදහන්.