වර්තමාන රක්වාන පොලිස් ස්ථානාධිපතිවරයාගේ අයහපත් අදක්ෂ පරිපාලනය හා දූෂිත ක්‍රියාකාරකම් හේතුවෙන් රක්වාන ප්‍රදේශය දිගින් දිගටම අපචාරවලින් ගහන ප්‍රදේශයක් බවට පරිවර්තනය වී තිබෙන බවට ප්‍රදේශවාසින් චෝදනා නගති.එම චෝදනා පිළිබඳව අප මීට පෙරද කරුණු කිහිපයක් වාර්තා කරන ලදි.
ඒ අතර රක්වාන පොලිස් ස්ථානාධිපතිවරයාගේ ආධාර අනුබල ඇතිව පවත්වාගෙන යන පතලක් පිළිබඳව මීට පෙරද වීඩියෝ දර්ශන අප වෙබ් අඩවි හරහා පළ කරන ලදි.මේ වන විටත් එම පතලේ වැඩ ඉතා සූක්ෂම ආකාරයෙන් පවත්වාගෙන යන බව අපට වාර්තා වීමත් සමග ඒ පිළිබඳවද සොයා බැලීමක් සිදු කරන ලදි.
එම සොයා බැලීමට අනුව අපට අනාවරණය වූයේ මෙම ස්ථානයේ පතල සිදු කිරීමට ඉඩ නොදෙන ලෙස රත්නපුර දිස්ත්‍රික් භාර ජ්‍යෙෂ්ඨ නියෝජ්‍ය පොලිස්පතිවරයා සහ සබරගමුව පළාත් භාර ජ්‍යෙෂ්ඨ නියෝජ්‍ය පොලිස්පතිවරයා පවා මෙම ස්ථානාධිපතිවරයාට නියෝග නිකුත් කර තිබියදීත් දිගින් දිගටම මෙම පතලේ වැඩ කටයුතු සිදු වන බවයි.
මේ පිළිබඳව පසුගියදා සබරගමුව පළාත් ජ්‍යෙෂ්ඨ නියෝජ්‍ය පොලිස්පතිවරයාගේ සහ රත්නපුර දිස්ත්‍රික් භාර නියෝජ්‍ය පොලිස්පතිවරයාගේ නියෝගය මත එම ප්‍රදේශය භාර සහකාර පොලිස් අධිකාරිවරයා විමර්ශණයක් සිදු කර තිබේ.එම විමර්ශණයේදී අනාවරණය වී තිබෙන්නේ දිනපතා මෙම ස්ථානයේ පතල් කැනීම් සිදු කරන බවයි. එම පතලට ආසන්නයෙන් පිහිටා තිබෙන පාලම යටද මේ වන විට මෙම නීතිවිරෝධී පතල්කරුවන් පතල් හාරන බව සහකාර පොලිස් අධිකාරිවරයාගේ වාර්තාව මගින් පෙන්වා දී තිබෙන බව සබරගමුව පළාත් අභ්‍යන්තර පොලිස් ආරංචි මාර්ග සදහන් කරයි.
එසේම පසුගියදා මෙම පතල ආසන්නයේ වත්තක වැඩ කරන පුද්ගලයෙකුද පොලිස් ස්ථානාධිපති වරයා විසින් නීතිවිරෝධී ලෙස අත්අඩංගුවට ගෙන එම පතලේ වැඩකරමින් සිටි බවට ඔහුට එරෙහිව අධිකරණයේ නඩුවක් පවරා තිබේ .එම නඩුව අප්‍රේල් මස 25 වෙනිදා නැවත කැදවීමට නියමිත බව රක්වාන ප්‍රදේශවාසින් අප වෙත වාර්තා කර තිබේ.
රක්වාන ප්‍රදේශවාසින් අප වෙත සදහන් කර තිබෙන්නේ වත්තේ වැඩ කරන එම පුද්ගලයාගේ ඇගෙහි මඩ තැවරී තිබීම නිසා ඔහු අත්අඩංගුවට ගෙන බොරු චෝදනා ඉදිරිපත් කර අධිකරණයට ඉදිරිපත් කිරීමට නියමිත බවයි.
එසේම එම අත්අඩංගුවට ගෙන තිබෙන පුද්ගලයා මීට පෙර පොලිස් ස්ථානාධිපතිවරයා සමග එක්ව මෙම පතලේ වැඩ කළ පුද්ගලයකු බවත් තවදුරටත් තහවුරු කර නොගත් වාර්තා මගින් පෙන්වා දෙයි.
රක්වාන පොලිස් ස්ථානාධිපතිවරයා යම් දේශපාලන හයියක් ගෙන මෙම ප්‍රදේශය විනාශ කරමින් පවතින බවට ප්‍රදේශවාසින් චෝදනා නගන අතර අප ද ඒ පිළිබඳව සොයා බැලූ අතර එහීදී අපට ද වාර්තා වූයේ මෙම පොලිස් ස්ථානාධිපතිවරයා ප්‍රදේශයේ දේශපාලඥයෙකුගේ උවමනාව මත මෙම පොලිසියට ස්ථානාධිපතිවරයා වශයෙන් පත්කර ඇති බවයි.
මේ සියල්ලම මෙසේ සිදුවෙද්දී රත්නපුර භාර ජ්‍යෙෂ්ඨ පොලිස් අධිකාරිවරයාද මේවාට ආධාර අනුබල ලබා දෙමින් තමන්ගේ මැණික් ව්‍යාපාර කටයුතුද යහමින් සිදු කරමින් පවතින බවට රාවණා ලංකා අභ්‍යන්තර විමර්ශකයින්ට වාර්තා ලැබී තිබේ.
වර්තමාන පොලිස්පතිවරයාගෙන් අපට අහන්නට ඇත්තේ දේශපාලන පත්වීම් දේශපාලන උවමනාවන් මත මෙසේ සිදු කරන ලද පත්වීම් නිසා ශ්‍රී ලංකාව විනාශ වන බව දැන දැනත් තවදුරටත් එයට ඉඩ ලබා දෙන්නේ ඇයිද යන්නයි.
එසේම පොලිස්පතිවරයා විසින් කළ යුත්තේ මෙම පොලිස් ස්ථානාධිපතිවරුන් කාගේ උවමනාවක් මත පත් වුණේද යන්න පිළිබඳව සොයා බලා මහජනතාවට දැන ගැනීමට සැලැස්වීමයි.
එසේම මෙම පාලම මතින් ගමන් කිරීමට ඇත්තේ ගම්මානයකටය.මෙම පාලම ගිලා බැස්සොත් මෙය ප්‍රතිසංස්කරණය කරන්නේ රක්වාන පොලිස් ස්ථානාධිපතිවරයා රක්වානට ගෙනා දේශපාලඥයාගේ මුදලින් නොව පොලිස් ස්ථානාධිපතිවරයාටත් දේශපාලඥයාටත් සියලු පහසුකම් සලසා දෙන ජනතාවගේ බදු මුදලින් වීම විශේෂත්වයකි .
එබැවින් රත්නපුර දිස්ත්‍රික්කයේ ඡන්ද දායකයින් බුද්ධිමත්ව කටයුතු කළ යුතු කාලය එළඹ තිබේ.හැම විනාශයක්ම පිටුපස දේශපාලඥයෙකුත් එම දේශපාලඥයා විසින් පත් කරන ලද පොලිස් ස්ථානාධිපතිවරයෙකුත් සිටින බව රාවණා ලංකා රත්නපුර දිස්ත්‍රික් කණ්ඩායම මේ වන විට සොයාගෙන තිබේ.
අනිත් දිස්ත්‍රික්ක හා සමගාමිව ගත් කළ රත්නපුර දිස්ත්‍රික්කය විශාල දූෂණ,වංචා වැලක හිරව තිබෙන්නේ දේශපාලන අධිකාරියේ තිබෙන දූෂිත ක්‍රියා හේතුවෙනි.එසේම මහනුවර දිස්ත්‍රික්කය තුළද මේ තත්ත්වය ඉතා හොදින් දක්නට ලැබේ.
අනෙකුත් දිස්ත්‍රික්කවල දේශපාලන ඇගිලි ගැසීම් නිසා මේ ආකාරයෙන් පරිසරය ,සමාජය හා වෙනත් අකටයුතුකම් අක්‍රමිකතා දක්නට නොලැබීමද විශේෂත්වයකි .එබැවින් ජනාධිපතිවරයා ප්‍රමුඛ රජයට ඉදිරියට යාමට නම් රත්නපුර දිස්ත්‍රික්කයේ පමණක් නොව සමස්ත ලංකාව තුලම දේශපාලඥ අධිකාරිය සහ දූෂිත පොලිස් නිලධාරින් එකතුව සිදු කරන විනාශය පිළිබඳවද වෙන් වෙන් වශයෙන් සොයා ගැනීමට සිදුව තිබේ.
රාජය්‍ය නිලධාරින්ගේ යාන්ත්‍රණය වෙනත් ආකාරයකින් දූෂණය වන විට දේශපාලනඥයින් හා පොලිස් නිලධාරින් අතර තිබෙන මනා සම්බන්ධතාවය මත මහජනතාවට මෙන්ම පරිසරයට සිදුවන හානිය පිළිබඳව ද වෙනම ම විමසා බැලිය යුතුය.
එබැවින් පොලිස්පතිතුමනි, දේශපාලන අතකොලුවක් වූ පොලිස් ස්ථානාධිපතිවරුන් සමහර ජ්‍යෙෂ්ඨ පොලිස් නිලධාරින් නිසා රත්නපුර දිස්ත්‍රික්කය තවදුරටත් විනාශ වීමට ඉඩ හරින්නේද? ඔවුන්ගේ අවශ්‍යතාව මත ස්වාධීනව කටයුතු කරන ජ්‍යෙෂ්ඨ පොලිස් නිලධාරින් රත්නපුර දිස්ත්‍රික්කයට පැමිණ සිටින්නේ නම් ඔවුන් ආරක්ෂා කරමින් රත්නපුර දිස්ත්‍රික් මහ ජනතාවට අවශ්‍ය යුක්තිය ඉටු කරන්නේද යන්න පිළිබඳව ඔබගේ අවධානයට යොමු කළ යුතුව තිබේ .
එසේම අපටද දිගින් දිගටම වාර්තා වන ආකාරයට දිගින් දිගටම රත්නපුර දිස්ත්‍රික්කය ශුද්ධ පවිත්‍ර කිරීම සදහා අකුරු කරන්නට සිදු වේවි .එබැවින් අනෙක් දිස්ත්‍රික්වලට සාපේක්ෂව අපට රත්නපුරෙන් ලැබෙන පැමිණිලි ප්‍රමාණය විශාල වශයෙන් වැඩිව තිබෙන බැවින් මේ පිළිබඳව ජනාධිපතිවරයා ,පොලිස්පතිවරයා මෙන්ම ජ්‍යෙෂ්ඨ පොලිස් නිලධාරින් සියලු දෙනා දැඩි අවධානයක් යොමු කළ යුතුව තිබේ.
එසේම ඒවාට වගකිවයුතු පොලිස් නිලධාරින් විශාල ප්‍රමාණයක් රත්නපුර දිස්ත්‍රික්කය තුළ සේවය කරති.ඒ පිළිබඳවද දිගින් දිගටම ලිවීමට සිදුවන බැවින් ඔවුන්ගේ නම් ගම් පවා අපට එළි කිරීමට සිදුවන බැවින් මේ පිළිබඳව අවධානය යොමු කර එම පොලිස් නිලධාරින්ගේද මතු ආරක්ෂාව උදෙසා රත්නපුර දිස්ත්‍රික්කය ශුද්ධ කිරීමට කාලය පැමිණ තිබේ.
දිගින් දිගටම රක්වාන පොලිස් ස්ථානය තුළ සමාජ විරෝධී ක්‍රියා සිදුවන්නේ නම්,මේ ආකාරයෙන් පතලේ වැඩවත් නවතා දැමීමට පොලිස් ස්ථානාධිපතිට වුවමනාවක් නොවන්නේනම් ඔහු බැබළෙන්නේ කුමන දේශපාලන හයියක් මතද යන්න පිළිබඳව පොලිස්පතිවරයාගේ අවධානය යොමු කර වහාම ඔහුට විරුද්ධව කටයුතු කළ යුතුව තිබේ.
එසේ නොමැති වුවහොත් අපට වාර්තා වන ආකාරයට නුදුරේදීම රක්වාන ප්‍රදේශයේ මහ ජනතාව ඔහුට එරෙහිව නැගී සිටීමට සූදානම්ව සිටී .එසේම ඔහු අදක්ෂ පොලිස් ස්ථානාධිපතිවරයෙක් බවට පැහැදිලිව මාධ්‍යවේදින් ලෙස මේ ආකාරයෙන් සටහන් තැබීමට සිදු වන අතර ඔහු එම ප්‍රදේශයට ගෙන ආ ප්‍රදේශයේ දේශපාලඥයා කවුද යන්න අප නුදුරේදීම එළි දක්වනු ඇත.
එබැවින් නැවත නැවතත් රක්වාන ප්‍රදේශයෙන් ඔහුට එරෙහිව දුරකථන ඇමතුම් පැමිණෙනවට වඩා වටින්නේ ඔහු රාජය්‍ය නිලධාරියෙක් ලෙස පොලිස් නිලධාරියෙකුට එහා ගොස් ඔහු පුද්ගලයකු ලෙස ගත් විට ඔහුටද යම් හානියක් සිදු වන බැවින් ඉදිරියේදී ඔහුගේ ඡායාරූප සමග ඔහු කවුද යන්න එළිදැක්වීමට ඉඩ නොතබා ප්‍රදේශයේ මහජනතාවගේ යුක්තිය ඉටු කිරීමට කටයුතු කිරීම පොලිස්පතිවරයාගේ සිට ජ්‍යෙෂ්ඨ පොලිස් නිලධාරින් සියලු දෙනාගේම වගකීම ,යුතුකම හා රාජකාරිය වේ.
එබැවින් අවධානයට යොමු කර ගත යුතුව තිබෙන්නේ මෙම පොලිස් ස්ථානාධිපතිවරයා නිසා ඔහුගේ ආධාර උපකාර ඇතිව ඔහු විසින් පවත්වාගෙන යන පතල තවදුරටත් සිදු කිරීම එම පතල නිසා පාලම ගිලා බැසීමේ අවධානමකට ලක්ව තිබෙන බවයි.එම ගිලා බැසීම තුළින් ඉදිරියේ පවතින ගම්මානයට යාමට මිනිසුන්ට අපහසුතා ඇති වීමට ඉඩ තිබේ.
තවදුරටත් රක්වාන පොලිසියේ පොලිස් ස්ථානාධිපති තනතුරට සුදුසු පුද්ගලයකු ද නැද්ද යන වග නිගමනය කිරීමද පොලිස් දෙපාර්තමේන්තුවේ වගකීම වේ.
මෙම පතලේ රූප රාමු බලා ගැනීමට පහත විඩියෝව නරඹන්න.
