ලංකා දුම්කොළ සමාගම විසින් බෙදා හරින ලද රසකාරක සිගරට් නිෂ්පාදන වර්ග තුනක් විකිණීම නොවැම්බර් 17 වනදා සිට වහාම ක්‍රියාත්මක වන පරිදි නවතා තිබෙන බව වාර්තා වේ .
ඒ අනුව Dunhill Switch, Dunhill Double Capsule සහ John Player Gold Pro Cool යන සිගරට් වල අලෙවිය මෙලෙස නතර කර තිබේ .
NATA පනතට අනුව 2006 අංක 27 දරණ දුම්කොළ හා මධ්‍යසාර පිළිබඳ ජාතික අධිකාරී පනතේ 33 වැනි වගන්තිය සමඟින් කියවා ඇති 30 වැනි වගන්තිය යටතේ හිටපු සෞඛ්‍ය අමාත්‍ය රාජිත සේනාරත්න විසින් රෙගුලාසි හඳුන්වා දුන් අතර එම ගැසට් පත්‍රයට අනුව දුම් රහිත දුම්කොළ නිෂ්පාදන හෝ මිශ්‍රණය දුම්කොළ අඩංගු ඕනෑම රස, වර්ණ හෝ පැණිරස සිගරට් හෝ දුම්කොළ අඩංගු ඕනෑම ඉලෙක්ට්‍රොනික සිගරට් තහනම් වේ.
