ලංකාවේ වංචා දූෂණ, අක්‍රමිකතා මෙන්ම සමාජ අසාධාරණකම් වලට එරෙහිව කටයුතු කරන “ශ්‍රී රාවණා ලංකා ජාතික සංවිධානයේ” විධායක සභාවේ හදිසි රැස්වීමක් අද (01) කැඳවා තිබුණා. එයට හේතුව වුයේ කුමාර නමැති පුද්ගලයෙකු සෞදි අරාබියේ සිට නිකුත් කරන ලද වීඩියෝවක් මගින් “මෙම වෙබ් අඩවියේ පලකරන පුවත් වැරදි බවද, ඒවා සත්‍ය බව ඔප්පු කරන්නේ නම් ලක්ෂ 5 ක ත්‍යාග මුදලක් ලබාදෙන බවටද” කරන ලද ප්‍රකාශයක් නිසා ඉදිරි පියවර ගැනීමටයි. මෙම වෙබ් අඩවිය ශ්‍රී රාවණා ලංකා ජාතික සංවිධානයේ නිල වෙබ් අඩවියයි.
එහිදී සභාව ඇමතු ශ්‍රී රාවණා ලංකා ජාතික සංවිධානයේ ජාතික සංවිධායක වන ශ්‍රී නිශ්ශංක මායාදුන්න මහතා ප්‍රකාශ කලේ මෙම වෙබ් අඩවිය නීත්‍යානුකූල වෙබ් අඩවියක් බවත්, මෙහි පලකරනු ලබන කිසිම පුවතක් ඇත්තද, බොරුද යන්න විමසිය යුත්තේ වෙනත් රටක සිටින පුද්ගලයන් නොවන බවයි. විශේෂ කාර්ය බලකාය වැනි වැදගත් ආයතන විනාශ කරන්නේ වෙනත් රටවල්වල සිටින මෙවැනි පුද්ගලයන් බවත් ශ්‍රී ලංකා පොලිස් දෙපාර්තෙම්න්තුව මෙන්ම විශේෂ කාර්ය බලකාය මෙවැනි පුද්ගලයන්ගෙන් ආරක්ෂා කරගත යුතු බවද, මොහුට තොරතුරු නොදෙන ලෙස පොලිස්පතිවරයා නියෝග පවා නිකුත් කර තිබියදී, ඔහුට තොරතුරු දෙන්නේ කවුද යන්නද සොයා බැලියයුතු බවද සදහන් කරන ලදී. වෙනත් රටක සිට ප්‍රකාශ නිකුත් කිරීමෙන් පලක් නොවන බවද සදහන් කරන ලදී. එසේම ඕනෑම ආයතනයක අපරාධ කරන පුද්ගලයන්ට එරෙහිව කටයුතු කරන්නේද, අපරාධ කරුවන්ට අභියෝග කරන්නේ ලංකාවේ සිට බවද, කිසිදු අවස්ථාවක මෙම සංවිධානය නීතිවිරෝදී කටයුතු සිදුනොකරන බවද, මේ සියල්ලම සදහා වියදම් කරනු ලබන්නේ සන්විදානයේම සාමාජිකයන්ගේ මුදල් බවද සදහන් කරන ලදී. එසේම අසාධාරණයට ලක් වන අපරාධකරුවන් වෙනුවෙන් වුවත් ඔවුන් පෙනී සිටින බවද සඳහන් කරන ලදී.
එසේම තව දුරටත් කරුණු පැහැදිලිකරමින් ඒ මහතා සඳහන් කලේ සංවිධානය තව දුරටත් පුළුල් වෙමින් ඉදිරියේදී මෙම වෙබ් අඩවිය තුල දිනකට පුවත් 150 හේ සීමාව පසුකරන බවත්, වෙබ් අඩවිය මගින් වාර්තාකරන විමර්ශනාත්මක පුවත් සියල්ලම විවිධ සාක්ෂි මත පලකරන බවත්, ඒවා සියල්ලම පළකරනුයේ ඕනෑම නඩුවකට මුහුණ දීමට අවශ්‍ය සාක්ෂි මත බවත් සඳහන් කරන ලදී. කෙසේ වෙතත් අනෙකුත් මාධ්‍ය මෙන් අනෙක් පාර්ශ්වයෙන් විමසීමක් නොකරන නමුත් අගතියට පත්වන පාර්ශ්වයට තමන්ගේ ප්‍රකාශය සඳහා ස්වභාවිකවම ඉඩ වෙන් වන බවද සඳහන් කරන ලදී. එය නීතියක් බවත් මාධ්‍ය ආයතනයේ දුරකථන අංකය පැය 24 ම වැඩකරන බවද, සඳහන් කරන ලදී.
එබැවින් තමන්ගේ නිවැරදිභාවය ට අවශ්‍ය ප්‍රකාශය සහ සාක්ෂි ඉදිරිපත් කර තමන්ගේ නාමයට යම් කැල්ලක් උනි නම් එය තමන් විසින්ම ආයතනයට කතා කර විසදාගත යුතුබවද ඒ සදහා මහජන හිතකාමී කාර්ය මණ්ඩලයක් සිටින බවද ඔහු සදහන් කරන ලදී. එවිට එම විමර්ශන ඉදිරිකටයුතු කිරීම සඳහා වගකිව යුතු ආයතනවලට යොමු නොකරන බවද ප්‍රකාශකරන ලදී. එබැවින් ඉදිරි විමර්ශනාත්මක තොරතුරු ගවේෂණයද තම තමන්ගේ කටයුතු කරගෙන යන ගමන් හැකි පමනිනේ උපරිම සාක්ෂි ගැනීමට කටයුතු කරමින් සිදුකරන ලෙසද ඒ මහතා සභාවෙන් ඉල්ලීමක්ද කරන ලදී.
එසේම සංවිධානය සිදුකල පළමු විමර්ශනය වන “ මහනුවර ශ්‍රී දළදා මාලිගාවේ දියවඩන නිලමේට” එරෙහිව සිදුකරනු ලැබූ පැමිණිල්ල පොලිස්පතිතුමාගේ නියෝගය මත මේ වන විට ඉතාම හොදින් අපරාධ පරීක්ෂණ දෙපාර්තමේන්තුව තුල විභාගවෙමින් පවතින බවද සඳහන් කරමින් පොලිස්පති වික්‍රමරත්න මහතාට ස්තුතියද පලකරන ලදී. ඒ අනුව දියවඩන නිලමේවරයාට විරුද්ධව නිසි ලෙස නීතිය ක්‍රියාත්මක කිරීම සිදුවනු ඇති බවද ඔහු සඳහන් කරන ලදී.
https://www.youtube.com/watch?v=n4qLfXl-ODo&t=49s