පොලිස් ළමා හා කාන්තා කාර්යංශය යනු ශ්‍රී ලංකාව තුල ජීවත් වන කාන්තාවන් හා ළමයින් ගේ ජීවිත ආරක්ෂා කිරීමට නීති සම්පාදනය කර පොලිස් දෙපාර්තමේන්තුව සතුව තිබෙන වැදගත් අංශයක් වුවත් වැඩියෙන්ම කාන්තා හිංසනයන් සිදුවන්නේ ශ්‍රී ලංකා පොලිස් දෙපාර්තමේන්තුවේ වියහැකි බව අප මීට පෙර තොරතුරු රාශියක් සමග වාර්තා කර තිබේ. අද ලෝක ළමා දිනය වුවත් මේ වන විටත් අසාධාරනයට ලක්ව යුක්තිය ඉටු නොවුණු දරුවන් පිලිබදව අප පලකරන ලද පුවත් සාරාංශයක් අද උදේ පළකර තිබේ.
කෙසේ නමුත් කීපදෙනෙකුගේ දූෂිත සහ අත්තනෝමතික ක්‍රියා හේතුවෙන් මේ වන විට කාර්යාංශය තුල අර්බුද රැසක් ඇතිවී තිබේ . බිරිඳ සහ සැමියා එකම අංශයක සේවයක නොකළ යුතු අතර එසේ සිටියේ නම් ස්ථාන මාරු කිරීමට අවශ්‍ය කටයුතු උසස් නිලයන් විසින් සිදු කළ යුතු බවට සදහන් කරමින් පොලිස්පතිවරයා විසින් චක්‍රලේඛයක් නිකුත් කර තිබෙන බවද වාර්තා වේ. එහෙත් ළමා හා කාන්තා කාර්යාංශයේ මෙහෙයුම් අංශයක නිලධාරීන් පවුල් පිටින් සිටින බව කිය වේ. කෙසේ වෙතත් මානුෂීය වශයෙන් ගත් විට දෙදෙනාම එකමත ස්ථානයේ රාජකාරී කිරීමෙන් හොද පවුල් ජීවිතයක් ගත කල හැකිය. දරුවන්ටද සියලුම යුතුකම් ඉටුකළ හැකිය. එය ඔවුන්ගේ වාසනාවය. නමුත් මෙහිදී සිය බිරිඳ රාජකාරි වලට යොදවන්නේ සැමියා විසින් බවත් එසේ රාජකාරියට යොමුකළ විට බිරිද රාජකාරියට වාර්තා නොකරන බවද කියා වේ.
සැබවින්ම එය එසේ සිදුව තිබෙන්නේ නම් එය දැඩි අපරාධයකි. කෙසේ වෙතත් මෙම සම්බන්ධව අනාවරණය වීමෙන් අනතුරුව පැමිණිලි අංශයක් බාර පොලිස් පරීක්ෂකවරියක් ඒ පිලිබඳව පොතේ සටහනක් යොදා තිබේ. එහෙත් කාන්තා ප්‍රධාන පොලිස් පරීක්ෂකවරියක් විසින් එම පැමිණිල්ලට එරෙහිව ක්‍රියාත්මකව නැති බවද මෙම යුවළ ඇයගේ සමීප හිතවතුන් බවද පැවසේ.
එසේම මේ වන විට ප්‍රධාන පොලිස් පරීක්ෂකවරිය ගේ ගම් පළාතේ හිතවතුන් හිතවතියන් ළමා හා කාන්තා කාර්යාංශය පුරවාගෙන සිටින බැවින් තම හිතුමතේට රාජකාරි කිරීම අරඹා තිබෙන බව කියවෙන නමුත් මේ පිලිබදව සොයාබලා අකටයුත්තක් සිදුව තිබේ නම් නිසි කටයුතු කිරීම බලධාරියාගේ වගකීම වේ. එසේම ස්ථානයේ සිදුවන මෙම සිදුවීම් වලට එරෙහිව කටයුතු කරන අයට ස්ථාන මාරු ලබා දීමටද කාන්තාවක් කටයුතු කරන බවද ඇයගේ පෙම්වතා සිටින්නේ පොලිස් මානව සම්පත් අංශයේ බවද කියා වේ. නිසි වේලාවට රාජකාරියට නොපැමිණෙන හිතූ හිතූ අවස්ථාවන්වලදී නිවෙස් වලට යන එන කිහිප දෙනෙකුද මෙහි අංශයක සිටින බැවින් රාජකාරි වලටද බාධා ඇති වී තිබෙන බවද වාර්තා වේ .
එම කාර්යාංශය උසස් නිලධාරිනියක විසින් අමුතුම නීතියක් ද පනවා තිබෙන බවද කියා වේ. එනම් තමාගේ රුව සහිත වීඩියෝ පමණක් රූපවාහිනී තිරයේ ක්‍රියාත්මක විය යුතු අතර ඇය සිටින ස්ථානය අවට වායුසමීකරණ ක්‍රියාත්මක කිරීමට තමන් එහි රැඳී සිටින විටදී පමණක් කළ යුතු බව ය. කෙසේ වෙතත් වායු සමීකරණ යන්ත්‍ර ඇය සිටියදී වුවත් ක්‍රියාත්මක නොකරන්නේ නම් එයින් ඉතිරිවන්නේ මහජන මුදල්ය. එසේම යාබදව තිබූ වැසිකිළි පද්ධතියක් අගුලු දැමීමක් පිළිබඳව ද පසුගිය කාලයේ මාධ්‍ය මගින් අනාවරණය කර තිබුණි.
ජ්‍යෙෂ්ඨ පොලිස් නිලධාරියෙකු පසුගියදා මෙම උසස් නිලධාරිනියගේ ක්‍රියාකලාපය පිළිබඳව දැඩි දෝෂාරෝපණයක් එල්ල කර ඇති බව ළමා හා කාන්තා කාර්යංශ නිලධාරිනියන් පවසති. මෙම ළමා හා කාන්තා කාර්යාංශයේ පැමිණිලිවල තොරතුරු විත්ති කරුවන් වෙත යන බව එල්ල වන තවත් බරපතල චෝදනාවකි. පසුගියදා පොලිස් විශේෂ කාර්ය බලකායේ පොලිස් පරීක්ෂකවරිය ක විසින් ඇයට පොලිස් විශේෂ කාර්ය බලකායේ උසස් නිලදාරියෙකුගෙන් සිදු වු ලිංගික හිංසන සම්බන්ධව පැමිණිල්ලක් ඉදිරිපත් කර තිබුණි . එම පැමිණිල්ලේ විස්තර සහ එහි පිටපත් උසස් නිලදාරිනියකගේ අතට පත්ව තිබේ. එම පැමිණිල්ලේ චායාරුප මේ වනවිට සමාජ මාද්‍ය හරහා හුවමාරු වෙමින් පවතී.
ළමා හා කාන්තා කාර්යාංශයේ උසස් නිලදාරිනියක විසින් තමා සමග හිතවත් සහ එකම කණ්ඩායමේ බව කියන පොලිස් විශේෂ කාර්ය බලකා උසස් නිලදාරිනියට මෙම පැමිණිලි විස්තර ලබාදී ඇති බව පැවසේ. මේ අයුරින් ළමයින්ගේ සහ කාන්තාවන්ගේ ජිවිත අනතුරේ වැටීමට ඉඩ දී බලාසිටීම පිටුපස ඇති අදිසි හස්තය කුමක්ද?. ළමා හා කාන්තා කාර්යාංශයේ කටයුතු අවුල් සහගත බැවින් පොලිස්පතිවරයා ඒ සම්බන්ධව කටයුතු කිරීමට එහි සිටින උසස් නිලයකට ස්ථාන මාරුවක් පවා පසුගියදා ලබාදී තිබුණි. නමුත් එය අවලංගු කර තිබුණි.
පොලිස්පතිතුමනි, ළමා කාන්තා කාර්යාංශය මේ වන විට පිල් තුන හතරකට බෙදී ඇති බැවින් එකලස් කිරීම ඔබතුමාගේ යුතුකමක් හා වගකීමකි. එම අංශයේ සේවය කරන නිලධාරීනියන් හට බොරු චෝදනා පටලවමින් ඔවුන් මානසිකව මෙන්ම කායිකවද සිදුවන හිංසන වැලැක්විය යුතු නොවේද?. අගතියට පත්වන පාර්ශ්වයන් වෙනුවෙන් ශ්‍රී ලංකා පාර්ලිමේන්තුව තුල පවා කතා කරවීමට අපට සිදුවනු ඇත. නමුත් පරිපාලනයේ දෝෂ ඉවත්කිරීමට නොහැකි වුවහොත් දිනෙන් දිනම මේ ආයතනද විනාශ වන අතර රටේ මතුපරපුරට දැඩි හානියක් සිදුවනු ඇත. එබැවින් පොලිස් දෙපාර්තමේන්තුවේ නිකන් සිටින සහ පලිගැනීම කරන මෙන්ම විවිධ දූෂණ සිදුකරනු ලබන නිලධාරීන්ට එරෙහිව වහාම කාට්යුතු කර මහජනතාවගේ පොලිස් දෙපාර්තමේන්තුව දැන්වත් ආරක්ෂා කරන්න. ශ්‍රී රාවණා කාණ්ඩයම් නිරන්තරයෙන්ම මේ පිලිබඳව අවධානයෙන් සිටි.