සිංහල අලුත් අවුරුදු දා මරදාන ටෙක්නිකල් හන්දියේදී පුද්ගලයෙකුට පහරදී තියුණු ආයුධවලින් කපා බරපතළ තුවාල සිදුකළ පංචිකාවත්තේ සුරේෂ් ඛායි ඇතුළු පුද්ගලයන් 6 දෙනෙකු අත්අඩංගුවට ගත් බවට වාර්තා වේ.
ඉකුත් 14 වනදා පංචිකාවත්ත ප්‍රදේශයේ පදිංචි පුද්ගලයකුට පහරදීමෙන් පුද්ගලයාගේ අතකට හා පාදයකට බරපතළ තුවාල ලබා කොළඹ ජාතික රෝහලට ඇතුළත් කෙරිණි.
සිද්ධියට සම්බන්ධ තවත් 6 දෙනෙකු අත්අඩංගුවට ගැනීම සදහා විශේෂ පොලිස් කණ්ඩායමක් යොදවා ඇති බවත් අත්අඩංගුවට ගත් ප්‍රධාන සැකකරු මීට පෙර අපරාධ රැසකට සම්බන්ධව පොලිස් අත්අඩංගුවට පත්ව ඇප මත සිටින පුද්ගලයෙක් බව පොලිසිය ප්‍රකාශ කළ බව සදහන්.