බලංගොඩ ඓතිහාසික 99 වන මිහිඳු මහා පෙරහැර මංගල්‍ය 2023 ජුනි මස 03 වන පොසොන් පොහෝ දා රාත්‍රී 7ට බලංගොඩ නගරයේදී වීථි සංචාරය කිරීමට නියමිතව තිබේ.
විහාරාධිපති පූජ්‍ය අටවක්වෙල විජිතබෝධි ස්වාමින්වහන්සේගේ අනුශාසනා පරිදි මෙවර මිහිඳු මහා පෙරහැර මංගල්‍ය අතිඋත්කර්ශවත් අයුරින් ,උඩරට , පහතරට , සබරගමු ,ගැමි නර්තනාංගයන්ගෙන් විචිත්‍රවත්ව අලි ඇතුන් පිරිවරාගෙන විථි සංචාරය කිරීමට නියමිතව තිබෙන අතර පෙරහැර විථි සංචාරය කර නැවත විහාරස්ථානයට ගෙවදින රාත්‍රීයේ අලංකාරවත් මල්වෙඩි සංදර්ශනයක් ද පවත්වනු ලබයි.
මෙම මිහිදු මහා පෙරහැර බලංගොඩ එක්සත් බෞද්ධ සංගමය,බලංගොඩ වෙළඳ ප්‍රජාව, රාජ්‍ය හා රාජ්‍ය නොවන ආයතන විසින් සංවිධානය කරනු ලබයි.
මෙම පෙරහැර රාවණා ලංකා මාධ්‍ය ජාලයට අයත් සමාජ මාධ්‍ය ජාලාවල ද විකාශය කිරීමට අවශ්‍ය කටයුතු සිදු කරමින් තිබේ.