අංගොඩ ලොක්කාගේ ප්‍රබල ගෝලයෙකු වන තිළිණ මදුරංග නොහොත් ‘මිනී ඔළුවා’ නමැති පුද්ගලයා යුක්තිය මෙහෙයුමෙන් අත්අඩංගුවට ගෙන ඇති බව වාර්තා වේ.
ගොතටුව පොලීසිය විසින් මෙම අත්අඩංගුවට ගැනීම සිදු කර ඇති බව සඳහන්.
ගොතටුව පොලිස් වසමේ පාසල් අවට මත්ද්‍රව්‍ය සොයා මෙහෙයුම් අද (22) පෙරවරුවේ සිට සිදු කර ඇති අතර, ඒ සඳහා පොලිස් නිල සුනඛයන් ද යොදවා තිබුණු බව වාර්තා වේ.
සැකකරු සමඟ තවත් තිදෙනෙකු, මහා පරිමාණයේ මත්ද්‍රව්‍ය ජාවාරම්වල නියුතු තවත් පස් දෙනෙකු සහ මත්ද්‍රව්‍ය ළඟ තබා ගත් 18 දෙනෙකු ද ගොතටුව පොලීසිය විසින් අත්අඩංගුවට ගෙන තිබේ.
සැකකරුවන් අධිකරණයට ඉදිරිපත් කිරීමට නියමිත අතර, සැකකරුවන්ගෙන් 04 දෙනෙකු වෙනුවෙන් රැඳවුම් නියෝග ලබා ගැනීමට නියමිත බව ද ගොතටුව පොලීසිය අවධාරණය කර තිබේ.