මහා පරිමාණ මත්ද්‍රව්‍ය ජාවාරම්කරුවෙකු වෙනත් අයෙකුගේ නමින් දෙහිවල ප්‍රදේශයේ පවත්වාගෙන ගිය හෝටලයක් අද (01) පෙරවරුවේ පොලීසිය සහ වෙරළ සංරක්ෂණ දෙපාර්තමේන්තුව එක්ව එම ස්ථානයෙන් කඩා ඉවත් කළ බව වාර්තා වේ.
ඩුබායීහී සැඟව සිටින මහා පරිමාණ මත්ද්‍රව්‍ය ජාවාරම්කරුවකු ලෙස සැලකෙන ශිරාන් බාසික් නැමැත්තා වෙනත් අයෙකුගේ නමින් දෙහිවල මුහුදු තීරයේ එම හෝටලය පවත්වා ගෙන ගොස් තිබුණි.
එය අනවසර ඉදිකිරීමක් ලෙස ද සැලකෙයි.
යුක්තිය මෙහෙයුමට අදාළව සිදුකෙරුණු මෙම කටයුත්තට ආරක්ෂාව සැපයීම සඳහා දෙහිවල – ගල්කිස්ස කොට්ඨාසයට අයත් පොලිස් ස්ථානවල පොලිස් නිලධාරින් සහ කැරලි මර්දන අංශ යොදවා තිබුණි.
කෙසේ වෙතත් එම ඉදිකිරීම කඩා ඉවත්කරන අවස්ථාවේ එම හෝටලයේ සේවයේ නියුතුව සිටි නිලධාරියෙක් පොලිස් නිලධාරින්ට බාධා කිරීම හේතුවෙන් ඔහුව අත්අඩංගුවට ගැනීමට කටයුතු කෙරුණු බව සදහන්.