ලොව ප්‍රකට ඇපල් සමාගමේ සම නිර්මාතෘ, ස්ටීව් වස්නියැක් අසනීප වී ඇති බව ජාත්‍යන්තර මාධ්‍ය වාර්තා කරයි.
මෙක්සිකෝවේ පැවැත්වෙන ලෝක ව්‍යාපාරික සමුළුවට සහභාගී වෙමින් සිටියදී ඔහු අසනීප වී ඇති අතර ඒ සම්බන්ධයෙන් වැඩි විස්තර වාර්තා වී නොමැත.
ඔහු මේ වනවිට 73 හැවිරිදි වියේ පසුවෙයි.
ඔහු කවුරු අතරත් ප්‍රකටව සිටින්නේ “වොස්”නමිනි.
ස්ටීව් ජොබ්ස් සමග එක්ව ඔහු 1976 දී ඇපල් සමාගම නිර්මාණය කළේය.
පසුව ඔවුන් පළමු ඇපල් පරිගණකය නිර්මාණය කර තිබුණි.
ලොව වටිනාම සමාගම බවට ඇපල් සමාගම පත්කිරීමට ඔවුන් සමත්විය.