ආදුරුප්පුවීදිය පොලීසිය තුළදී සැකකරුවන් දෙදෙනෙකුට වස මිශ්‍ර පානයක් ලබාදීමේ සිද්ධිය සම්බන්ධයෙන් තවත් සැකකරුවන් දෙදෙනෙකු අත්අඩංගුවට ගෙන ඇති බව වාර්තා වේ.
පොලීසිය සඳහන් කළේ සිද්ධියට සම්බන්ධ ප්‍රධාන සැකකරුවෙකු සහ තවත් සැකකරුවෙක් එළෙස අත්අඩංගුවට ගත් බවයි.
පසුගිය 07 වනදා පොලීසිය තුළ රඳවා සිටි සැකකරුවන් බැලීමට පිටතින් පැමිණි පුද්ගලයෙකු විසින් මෙම වස මිශ්‍ර කිරි පානයක් ලබාදී තිබුණි.
ඊයේ (15) දහවල් කාලයේදී වත්තල සහ කොටහේන ප්‍රදේශවලදී සිද්ධියට සම්බන්ධ සැකකරුවන් දෙදෙනා අත්අඩංගුවට ගෙන තිබේ.
පොලීසිය සඳහන් කළේ සැකකරුවන් 25 සහ 32 යන වයස්වල පසුවන්නන් බවයි.