යතුරුපැදි දෙකක් මුහුණට මුහුණ ගැටී සිදුවූ අනතුරකින් පුද්ගලයකු මියගොස් දෙදෙනෙකු තුවාල ලබා ඇති බව වාර්තා වේ.
ඊයේ (09) රාත්‍රීයේ එම අනතුර සිදුව තිබුණේ මිල්ලනිය පොලිස් වසමේ පනාපේ පාළම අසලදීය.
අනතුරෙන් මියගොස් ඇත්තේ හල්තොට, යලගල ප්‍රදේශයේ පදිංචිව සිටි හිරන්ත චාමින්ද නමැති 54 හැවිරිදි පුද්ගලයෙකි.
මරණකරු කොළමැදිරිය දෙස සිට මිල්ලනිය දෙසට ගමන්කර ඇති අතර, පනාපේ පාළම අසලදී ප්‍රතිවිරුද්ධ දිශාවෙන් පැමිණි යතුරුපැදියේ මුහුණට මුහුණ ගැටී අනතුර සිදුව ඇති බව සදහන්.
අනතුරින් බරපතළ තුවාල ලබා සිටී යතුරුපැදිකරුවන් දෙදෙනා සහ මරණකරුගේ බිරිඳ බණ්ඩාරගම ප්‍රාදේශීය රෝහලට රැගෙන ගොස් ඇති අතර එක් යතුරුපැදිකරුවෙක් හොරණ දිස්ත්‍රික් රෝහලට මාරුකර යැවීමෙන් පසු එලෙස මියගොස් තිබේ.
බරපතළ තුවාල ලබා ඇති අනෙක් යතුරුපැදිකරු පානදුර මූලික රෝහලට යොමුකර ඇති බව වාර්තා වේ.
සිද්ධිය සම්බන්ධයෙන් මිල්ලනිය පොලීසිය වැඩිදුර පරීක්ෂණ පවත්වනු ලබයි.