විශේෂ කාර්ය බලකාය විසින් ඊයේ (01) දින යක්කල පොලිස් වසමේ කෙසෙල්වතුගොඩ පාර අසල සිදු කළ වැටලීමකින් ඉතා සූක්ෂම ලෙස පෑනක් ආකාරයෙන් සකස් කළ විදේශිය නිෂ්පාදිත 9mm වර්ගයේ උණ්ඩ යෙදිය හැකි ගිනි අවියක් සමඟ අපරාධයකට සැරසුණු පුද්ගලයන් දෙදෙනෙකු අත්අඩංගුවට ගෙන තිබෙන බව වාර්තා වේ.
එහි දී නිත්‍යානුකූල බලපත්‍රයක් නොමැතිව විදේශිය නිෂ්පාදිත 9mm වර්ගයේ උණ්ඩ යෙදිය හැකි පෑනක ආකාරයෙන් සකස්කර ඇති විශේෂිත ගිනි අවියක් සහ 9mm වර්ගයේ උණ්ඩ 01 ක් සහ 9mm වර්ගයේ උණ්ඩ හිස් කොපුවක් සන්තකයේ තබාගෙන කිසියම් අපරාධයක් සඳහා සැරසුණු යක්කල ප්‍රදේශයේ පදිංචි වයස අවුරුදු 29 ක හා 33 ක පුද්ගලයන් දෙදෙනෙකු අත්අඩංගුවට ගෙන වැඩිදුර විමර්ශන කටයුතු සඳහා යක්කල පොලිස් ස්ථානය වෙත භාර දී තිබේ .