ඊයේ (22) රාත්‍රියේ කටුනායක ආඩිඅම්බලම ප්‍රදේශයේ දී සුඛෝපභෝගී බස් රථයක් සහ ත්‍රීරෝද රථයක් එකිනෙක ගැටීමෙන් සිදු වූ මාරක රිය අනතුරකින් ත්‍රීරෝද රථයේ ගමන් ගත් දෙදෙනෙකු ජීවිතක්ෂයට පත්ව ඇති බව වාර්තා වේ.
අදාළ බස් රථය දිනපතා අන්තර්ජාලය ඔස්සේ සිදු කෙරෙන ආසන වෙන් කිරීමකින් පසුව දෙහිවල සිට කටුනායක ගුවන් තොටුපොළ ඔස්සේ මඩකලපුව බලා ධාවනය වන්නක් වන අතර මෙම බස් රථය ඊයේ (22) දින රාත්‍රී 10.45 ට පමණ මගීන් සමග ආඩිඅම්බලම ප්‍රදේශය පසු කර යමින් සිටියදී ඉදිරි පසින් පැමිණි ත්‍රීරෝද රථයක් මුහුණට – මුහුණ ගැටීමෙන් මෙම අනතුර සිදුව තිබේ .