ඔහිය ඉදල්ගස්හින්න දුම්රිය ස්ථාන අතර දුම්රිය මාර්ගයට පස්කඳු ගල්පර්වත කඩා වැටීමෙන් අවහිර වී තිබූ කොළඹ කොටුව බදුල්ල දුම්රිය ධාවනය අද (7) උදෑසන යථා තත්ත්වයට පත් කළ බවට දුම්රිය දෙපාර්තමේන්තුව පවසා ඇති බව වාර්තා වේ .
වර්ෂාවත් සමඟ උඩරට දුම්රිය මාර්ගයේ ඔහිය ඉදල්ගස්හින්න දුම්රිය ස්ථාන අතර දුම්රිය මාර්ගයට ස්ථාන 12 කදී පස්කඳු ගල්පර්වත ඊයේ (6) පස්වරුවේ කඩා වැටී ඇති බව සදහන්.
අධික මීදුම සීතල වර්ෂාවත් මධ්‍යයේ දුම්රිය දෙපාර්තමේන්තුවේ ඔහිය දුම්රිය මාර්ග අංශයේ තාක්ෂණ ශිල්පීන් ,දුම්රිය සේවකයන් දියතලාව යුදහමුදා කඳවුරේ රයිෆල් බලකායේ භටයන් එක්වී මහත් වෙහෙසක් දරමින් දුම්රිය මාර්ගය ට කඩා වැටී තිබූ පස්කඳු ගල්පර්වත ඉවත් කර අද (7) උදෑසන වන විට බදුල්ල කොළඹ දුම්රිය ධාවනය යථා තත්ත්වයට පත් කළ බවට දුම්රිය දෙපාර්තමේන්තුව සදහන් කර තිබේ.