එළවළු ගිනි ගණන්.

පවතින වැසි සහිත කාළගුණ තත්ත්වය හේතුවෙන් වෙළඳපොළේ එළවලු මිල ගණන් දරාගත නොහැකි ලෙස ශීඝ්‍රයෙන් ඉහළ ගොස් ඇතැයි පාරිභෝගිකයෝ පවසති.

ඒ අනුව බෝංචි, කැරට්, දෙහි, අමුමිරිස් ඇතුලු සියලුම ද්‍රව්‍ය වල මිල ගණන් සැලකිය යුතු අගයකින් ඉහළ ගොස් ඇතැයි ඔවුහු සඳහන් කරති.

සාමාන්‍ය වෙළඳපොළේ බෝංච් කිලෝවක් රුපියල් 800ත් 850කටත්,  කැරට් කිලෝවක් රුපියල් 550ත් 600 ත් අතර මිලකටත්, ගෝවා කිලෝවක් රුපියල් 540 කටත්, තක්කාලි කිලෝවක් රුපියල් 590 කටත්, වැටකොළු 450 කටත්, පතෝල 520 කටත්, මාළු මිරිස්  කිලෝවක් රුපියල් 950 කටත්, වම්බටු කිලෝව 520 කටත්, බණ්ඩක්කා  කිලෝව රුපියල් 350 කටත්, කරවිල කිලෝව 990 කටත්, ඉගුරු 1750 කටත්, දෙහි කිලෝවක් රුපියල් 2200 කටත්, අමුමිරිස් කිලෝව රුපියල් 1100 කටත් අලෙවි වන බවට පාරිභෝගිකයෝ පවසති.

කොළඹ මැනිං වෙළදපොලේ තොග මිල  බෝංචි කිලෝවක් රුපියල් 650කටත්,  කැරට් කිලෝවක් රුපියල් 350කටත්, ගෝවා කිලෝවක් රුපියල් 320කටත්, තක්කාලි කිලෝවක් රුපියල් 350 කටත්, වම්බටු කිලෝවක් රුපියල් 400 කටත්, දේශීය අල කිලෝවක් 295 කටත්, දෙහි කිලෝවක් රුපියල් 1000 කටත්, අමුමිරිස් කිලෝව රුපියල් 800 කටත් අලෙවි වන බව පාරිභෝගිකයෝ කියති.

මේ අතර කොස්, දෙල්, පලා වර්ග ආදී සියලුම වර්ගවල මිල ඉහළ ගොස් ඇතැයිද ඔව්හු වැඩිදුරටත් පවසති.